Eyjafjallajökull

L'Eyjafjallajökull [ˈɛɪjaˌfjatlaˌjœkʏtl] è il tschintgavel grond glatscher da l'Islanda. El è situà a la costa meridiunala extrema, al vest dal Mýrdalsjökull en la vischnanca da Rangárþing eystra. Sut il glatscher sa chatta in stratovulcan cun in'atgna chombra da magma ch'è rut ora la davosa giada l'onn 2010.

Num

Il num Eyjafjallajökull, per rumantsch glatscher da las muntognas da las inslas, deriva da si'approximitad a las Vestmannaeyjar (tud. Westmännerinseln). Questas inslas sa chattan var 10 km al sidost dal massiv muntagnard en l'Atlantic. Las pli pitschnas muntognas als pes da l'Eyjafjallajökull han num Eyjafjöll, q.v.d. las muntognas da las inslas.

Il glatscher

Il chapitsch da glatsch ha ina surfatscha da var 78 km².

Il pli aut dals pizs, che pizzan ora dal glatscher sco pitschens nunataks, è il Hámundur cun in'autezza da 1'666 m.

Dal chapitsch da glatsch da l'Eyjafjallajökull van intginas glatschers da val e lieungas da glatscher fin a 1'000 m giu en las valladas. Las pli impurtantas da quellas lieungas da glatscher èn il Steinholtsjökull ed il Gígjökull che s'extendan vers nord en direcziun dal current Markarfljót. Il num da la davosa lieunga da glatscher signifitga glatscher dal crater e deriva dal fatg che la lieunga da glatscher vegn dad ina sfessa en il crater dal piz. Gígur è il pled islandais per crater. La lieunga da glatscher stippa e sfendagliusa tanscha fin a 1'200 m giu en la val dal Markarfljót.

Als pes dal Gígjökull è sa furmà in lai glazial. Il lai glazial, numnà Lónið è circumdà da morenas autas. Il pitschen flum Jökulsá curra or dal lai en il current Markarfljót damanaivel.

Il vulcan

Sut il chapitsch da glatsch pitschen sa chatta il vulcan da medem num.

Classificaziun dal vulcan

Il vulcan appartegna a l'uschenumnada "zona vulcanica meridiunala" da l'Islanda.

Ils vulcanologs n'èn betg perina davart la classificaziun dal vulcan. Þorleifur Einarsson al classifitgescha sco stratovulcan. Thor Thordarson pleda dad in vulcan en furma d'in scut (Schildvulkan) entant che Ari Trausti Guðmundsson descriva el sco "edifizi(s) vulcanic(s) planiv(s) e lunghent(s)".

La caldera dal vulcan ha in diameter dad enturn trais fin a quatter kilometers. La seria da sfessas ch'appartegna al vulcan s'extenda cun ses craters per var 30 km dal vest vers l'ost.

Intgins craters novs èn sa furmads il mars 2010 durant l'erupziun la pli recenta.

Tips e vegliadetgna da la crappa

La crappa la pli veglia da l'Eyjafjallajökull exista da dapli che 800'000 fin 700'000 onns.

I sa tracta dad uschenumnada crappa transiziunala, basalts, ma era crappa differenziada ad in nivel pli aut.

Istorgia d'erupziuns

L'Eyjafjallajökull ha in'istorgia d'erupziuns da var 800'000 onns. Er en il temp suenter la colonisaziun, enturn l'onn 900 s.C., era el bainduras activ; el n'appartegna dentant betg als vulcans ils pli activs da l'Islanda.

Erupziuns preistoricas

Durant il temp da glatsch sa laschan constatar dudesch fasas eruptivas, da las qualas tutgan sis a periodas interglazialas ed ulteriuras sis a periodas glazialas.

Durant la davosa èn sa furmads per exempel Hyaloklastite e lavas da plimatsch (Kissenlava, Pillowlava) che fan era part da l'edifizi vulcanic.

Durant las periodas libras da glatsch èn s'accumuladas las stresas da lava. Ellas èn per exempel vesaivlas en ils anteriurs spelms dal mar sin la vart meridiunala dal massiv.

Suenter il temp da glatsch avant enturn 10'000 onns han gì lieu duas erupziuns effusivas durant las qualas ils currents da lava da Hamragarður e Kamragil èn vegnidas producidas.

Erupziuns istoricas

Be quatter erupziuns enconuschentas èn succedidas dapi la colonisaziun da l'Islanda. L'emprima ha gì lieu l'onn 920, la segunda il 1612/13. Da quest'erupziun è pauc enconuschent. En las Skarðsannalen vegn l'erupziun descrit uschia: „Da sprang plötzlich der Eyjafjallajökull an der Ostseite bis ins Meer vor, da kam Feuer hoch, das sah man fast überall nördlich von Land.“

L'erupziun dals onns 1821–23

La penultima erupziun ha gì lieu tranter il 1821 ed il 1823. Durant questa èn vegnidas producidas 4 milliuns meters cubics tschendra da colur grisch stgir, a grauns fins e daciticas ch'ins chattà oravant tut en il sid da l'Islanda. Quest'erupziun plitost pitschna ha tuttina chaschunà tscherts donns. La tschendra era surtut ritg da fluor che nuscheva la biestga. Plinavant ha l'erupziun provocà jökulhlaups e quai surtut en il Markarfljót ma era en il flum Holtsá.

L'erupziun è entschetta ils 19 e 20 da december cun ina fasa explosiva che durava intgins dis e che ha gì plievgias da tschendra sco consequenza, surtut en ils territoris populads al sid e vest dal vulcan.

L'erupziun ha perdurà fin il zercladur da l'onn suandant ma senza esser percipida particularmain en ils abitadis cun excepziun dal livel da l'aua augmentà per exempel en il Markarfljót.

A partir da la fin dal 1822 hai dà in'autra fasa explosiva durant la quala las erupziuns explosivas avevan lieu en seria. L'erupziun ha tranter auter manà in nivel en autezzas considerablas. I ha dà giu tschendra en l'Eyjafjörður ma era sur Seltjarnarnes.

I para che l'erupziun era pli debla en il temp tranter avust e december. Tuttina è morta biestga en l'Eyjafjörður causa tissientada da fluor ed en la Holtsá han ins observà jökulhlaups. Era en il Markarfljót han ins constatà in jökulhlaup considerabel. Las funtaunas existentas na permettan betg dad eruir la data exacta.

L'onn 1823 èn intgins umens raivids sin l'Eyjafjallajökull per examinar ils craters minuziusamain. Els han chattà ina sfessa eruptiva in zichel al nordvest dal piz Guðnasteinn. Ils umens han temì che la muntogna possia rumper dapart perquai che la sfessa sa chattava en approximitad da l'ur dal piz e tranter ella ed il precipizi hai dà be ina paraid-crap satiglia.

Suenter las erupziuns han ins constatà che la muntogna è sa midada e ch'è sa furmada ina foppa enorma en la cuntrada sper il piz, nua ch'el pareva planiv ordavant.

La primavaira 1823 è il Katla en il Mýrdalsjökull rut ora ed a medem temp è puspè ascendì dapli vapur da l'Eyjafjallajökull, oravant tut ord la sfessa d'erupziun principala.

Erupziuns dal 2010

Artitgel principal Erupziun da l'Eyjafjallajökull dal 2010

Cumenzond ils 20 da mars hai dà pliras erupziuns dal vulcan cun ina gronda emissiun da tschendra. Sco consequenza è il traffic aviatic sur l'Europa settentriunala e centrala en grondas parts stuì vegnir interrut per pliras dis.

Connexiun tranter Eyjafjallajökull e Mýrdalsjökull

Tar las davosas duas erupziuns da l'Eyjafjallajökull en il 17avel e 19avel tschientaner han ins constatà che a medem temp u pauc suenter è era rut ora il vulcan Katla sut il Mýrdalsjökull. Ins presuma perquai ina connexiun tranter ils dus vulcans. Sin il Fimmvörðuháls (rum. "dies da muntogna dals tschintg umens da crap"), il pass tranter l'Eyjafjallajökull ed il Mýrdalsjökull, è en ils onns passads savens vegnida mesirada ina tscherta activitad seismica.

Il geofisicher Páll Einarsson renviescha al basegn dad observar minuziusamain il Katla, il vulcan sut il glatscher Mýrdalsjökull perquai che erupziuns da l'Eyjafjallajökull dal mars 2010 possia provocar in'autra erupziun dal Katla.

Alpinissem sin l'Eyjafjallajökull

I dat diversas pussaivladads d'ascender. Ari Trausti Guðmundsson descriva ina tura d'ascender davent da la pista Þórsmörk ord il NNW sur il Grýtutindur. Plinavant maina ina senda dal pass Fimmvörðuháls sin il glatscher.

Eyjafjöll

La pli pitschnas muntognas che circumdeschan il vulcan glazial han num Eyjafjöll. L'ur da las muntognas Eyjafjöll, sin il qual il glatscher stat, era suenter la fin da l'ultima epoca glaziala avant var 10'000 onns la costa dal mar. Damai che la costa è sa spustada tschintg kilometers vers sid tras l'agiustament postglazial, èn restads enavos ils grips.

Els èn vesaivels particularmain cler sper las cascadas Skógafoss e Seljalandsfoss, ma era davent dal museum al liber da Skógar.

Cuvels

En il district sut las muntognas da las inslas (isl. undir Eyjafjöllum) datti era blers cuvels.

Il pli enconuschent da quels ha num Paradísarhellir (rum. cuvel-paradis). En il 19avel tschientaner saja el stà la scena dad in'istorgia d'amur captivanta. Davart questa ha il scriptur islandais Jón Trausti scrit il roman Anna von Stóra-Borg.

In auter cuvel damanaivel serviva da dieta districtuala regiunala (thing).

Þórsmörk

Tranter l'Eyjafjallajökull ed il Tindfjallajökull s'extenda la val Þórsmörk ch'è circumdada da trais glatschers. La val vegn serrada dal Mýrdalsjökull.

Vesair era

  • Glatschers da l'Islanda
  • Vulcans da l'Islanda
  • Geografia da l'Islanda
  • Muntognas da l'Islanda

Litteratura

  • Sturkell et al.: Katla and Eyjafjallajökull Volcanoes. Developments in Quaternary Science. Volume 13, 2010, Pages 5-21. (Springerlink)(englais)
  • Hjaltadottir, S., K. S. Vogfjord and R. Slunga, 2009. Seismic signs of magma pathways through the crust at Eyjafjallajokull volcanoe, South Iceland, Icelandic Meteorological office report, VI 2009-013 (datoteca PDF)
  • Hooper, A., R. Pedersen, F. Sigmundsson, Constraints on magma intrusion at Eyjafjallajökull and Katla volcanoes in Iceland, from time series SAR interferometry, In: The VOLUME project – Volcanoes: Understanding subsurface mass movement, eds. C. J. Bean, A. K. Braiden, I. Lokmer, F. Martini, G. S. O‘Brien, School of Geological Sciences, University College Dublin, p. 13-24, 2009
  • Larsen, G., 1999. Gosið í Eyjafjallajökli 1821-1823 (The eruption of the Eyjafjallajökull volcano in 1821-1823). Science Institute Research Report RH-28-99. 13 p. Reykjavík. (datoteca PDF)
  • Oskarsson, Birgir Vilhelm 2009. The Skerin ridge on Eyjafjallajökull, South Iceland: Morphology and magma-ice interaction in an ice-confined silicic fissure eruption. M.Sc. thesis, Faculty of Earth Sciences, University of Iceland. 111 p. (datoteca PDF)
  • Pedersen, R., Freysteinn Sigmundsson and Páll Einarsson, 2007: Controlling factors on earthquake swarms associated with magmatic intrusions; Constraints from Iceland, Journal of Volcanology and Geothermal Research,162,73-80.
  • Pedersen, R., Sigmundsson, F., Temporal development of the 1999 intrusive episode in the Eyjafjallajökull volcano, Iceland, derived from InSAR images, Bull. Volc., 68, 377-393, 2006.
  • Pedersen, R., F. Sigmundsson,InSAR based sill model links spatially offset areas of deformation and seismicity for the 1994 unrest episode at Eyjafjallajökull volcano, Iceland, Geophys. Res. Lett., 31, L14610, doi:10.1029/2004GL020368, 2004. (online)
  • Sigmundsson, F., Geirsson, H., Hooper, A. J., Hjaltadottir, S., Vogfjord, K. S., Sturkell, E. C., Pedersen, R., Pinel, V., Fabien, A., Einarsson, P. Gudmundsson, M. T., Ofeigsson, B., Feigl, K., Magma ascent at coupled volcanoes: Episodic magma injection at Katla and Eyjafjallajökull ice-covered volcanoes in Iceland and the onset of a new unrest episode in 2009, Eos Trans. AGU, 90(52), Fall Meet. Suppl., Abstract V32B-03
Listed in the following categories:
Post a comment
Tips & Hints
Arrange By:
PNR SHN
16 May 2016
Volcanic,beatiful view.If you visit Iceland you must see it.
Anna Baloo
20 April 2015
2500 isk to see photos of the volcano???
Lizzie Borden
15 May 2017
Great video andctour of what happened at the last eruption
Karen ???????????? Madrid Burr
Amazing place to take a picture.
77com
24 July 2017
Да, тот самый, который наделал много шума и который не просто выговорить)
Gizem Dalyan
22 January 2016
Yazmasini zor saniyorsaniz, bir de soylenisini duyun. ????
Load more comments
foursquare.com

Hotels nearby

See all hotels See all
Hotel Drangshlid

starting $105

Hotel Vestmannaeyjar

starting $174

Hellisholar Guesthouse

starting $93

Hotel Edda Skogar

starting $130

Hotel Eyjar

starting $162

Guesthouse Hamar

starting $82

Recommended sights nearby

See all See all
Add to wishlist
I've been here
Visited
Skógafoss

The waterfall Skógafoss (pronounced ]) is situated in the south of

Add to wishlist
I've been here
Visited
Seljalandsfoss

Seljalandsfoss is one of the most famous waterfalls of Iceland. It is

Add to wishlist
I've been here
Visited
Katla

Katla is a volcano in Iceland. It is situated to the north of Vík í M

Add to wishlist
I've been here
Visited
Dyrhólaey lighthouse

The Dyrhólaey lighthouse (Icelandic: Dyrhólaeyjarviti) is located on t

Add to wishlist
I've been here
Visited
Dyrhólaey

The small peninsula, or promontory, Dyrhólaey (120m) (formerly known

Add to wishlist
I've been here
Visited
Reynisfjara beach

Reynisfjara beach is a tourist attraction, one of the Beaches in

Add to wishlist
I've been here
Visited
Reynisdrangar

Reynisdrangar are basalt sea stacks situated under the mountain

Add to wishlist
I've been here
Visited
Eldfell

Eldfell is a composite volcanic cone just over 200 metres (660 ft) h

Similar tourist attractions

See all See all
Add to wishlist
I've been here
Visited
Shōwa-shinzan

Shōwa-shinzan (昭和新山, Shōwa-shinzan) is a volcanic lava dome in the Sh

Add to wishlist
I've been here
Visited
Sakurajima

Sakurajima (桜島), also romanized as Sakurashima or Sakura-jima, is an

Add to wishlist
I've been here
Visited
Vesuv

Il Vesuv (talian Vesuvio, latin Vesuvius) è in vulcan activ situà s

Add to wishlist
I've been here
Visited
Teide

Mount Teide or, in Spanish, Pico del Teide [ˈpiko ðel ˈtejðe] is the

Add to wishlist
I've been here
Visited
Poás Volcano

The Poás Volcano, in Spanish Volcán Poás, is an active st

See all similar places